講到身家厚，積金局局長許仕仁原來亦都唔憂米。佢老兄離開特區政府，連財爺個位都雙手送畀阿松做，就知佢已經無所求。
老許出名計仔多，佢肯做積金局個位皆因呢單嘢係佢老兄搞出嚟，好多手尾要自己一手一腳跟番，以免衰收尾，至於佢當初只答應做兩年，就只有佢老兄同老董知道，睇嚟都似係真嘅。
屈指一算，連埋佢應承老董多坐一會，老許重有唔夠半年就鬆人，唔怪得咁有雅興又準備暑假去日本聽音樂。至於日後去邊，大家唔使同佢擔心，因為許先生最多老友，唔憂冇人搵佢。
老許拜拜，幾時到佢老友任總呢？
E-mail：