美元近日走勢疲弱，基金惟有出外搵食；歐洲那邊，法國有極右主義搖旗吶喊；日本拜戰犯，俾人話軍國主義抬頭。資金惟有流入台灣同韓國，台韓股被掃到貴晒，係時候買大落後的港股。
基金四出尋找有盈利的公司，發覺香港做地產發展依然幾好搵。勾地政策有助土地儲備豐厚的地產發展商實行平買平賣，密食當三番。
近日長實（001）、恒地（012）同新地（016）升勢凌厲，3隻股票息率差不多，但長實有和黃（013）資產支持，加上國內投資積極，可看高一線，估計呢次基金要買到80元才停手。
長實輪有3隻最正，9043、9063及9103，3隻輪成交暢旺，溢價10%唔夠，以上周五收市價計，引伸波幅分別是32.5%、33.9%及33.4%。交易所上市的長實股票期權，9月到期，75元行使價的認購期權都要35%引伸波幅。長實6個月歷史波幅30.3%，所以發行商夠膽以低過股票期權引伸波幅水平沽輪。
鍾斯