張栢芝自和謝霆鋒相戀後，昨日首度接受記者訪問，並默認和霆鋒的戀情。對於霆鋒日前被廉署拘捕一事，栢芝謂希望他早日沒事。
張栢芝昨午到沙田新城市廣場，出席由法國婚紗舉行的「栢芝純美感婚紗晚裝滙演」。自她與謝霆鋒的戀情曝光後，她昨日首次接受傳媒訪問，更默認和霆鋒拍拖。
栢芝說：「我嘅壓力真係好大，加上自己身體又唔係咁好，近來重愈嚟愈瘦、精神又好緊張。」問她是否因與霆鋒拍拖的新聞而感壓力，栢芝點點頭說：「我精神真係好緊張，日日都覺得好頭痛，因為我好擔心啲報紙同雜誌又唔知點樣寫我。」
栢芝經理人向太陳嵐曾表示因栢芝與謝霆鋒的性格倔強，所以促使他們拍拖，栢芝笑言：「呢啲係向太本人嘅立場，我都唔係好清楚。」
再問栢芝有否聯絡霆鋒及擔心其近況，她說：「霆鋒嘅事我唔係好方便講，因為呢件事牽涉太多人，總之我好關心佢，亦都希望佢盡快冇事。」記者接着追問她究竟有沒有致電霆鋒，栢芝語氣堅定地說：「我一定唔會呃大家，總之我哋都好關心大家，我只係希望佢早日冇事。至於感情嘅嘢，我認為唔需要講太多。」問她是否需要再返廉署協助調查，她說：「返去覆診呀？霆鋒件事牽涉到法律問題，而且太過敏感，所以我都唔係咁方便講。」
栢芝日漸消瘦，問她可會擔心患上厭食症，她說：「唔會啦，啲傳媒成日話我匿埋喺屋企，其實只不過係因為阿爸日日都會煮飯畀我食。」
栢芝離開時有大批fans湧上前索取簽名及送禮物，場面一度出現混亂。活動舉行期間，栢芝一直面露笑容，更向fans揮手。
而栢芝前晚更致電到有線《娛樂熱賣之王》節目，回應近日有關她把有汗迹及破爛的衣服作二手衫售賣。栢芝說：「件二手衫唔係我。」
霆鋒和王菲分手，一直有傳因王菲避而不見，霆鋒連講分手的機會也沒有，昨日張栢芝雖默認和霆鋒拍拖，但昨日卻傳出霆鋒昨凌晨到訪王菲位於九肚山的寶松苑寓所，但到訪原因和能否進入寓所則不得而知。昨日記者就此事以電話聯絡身在台灣的王菲經理人邱王黎寬，她說：「因為我唔喺香港，所以對呢件事唔清楚。」
採訪：駱華齡、李珮洳
攝影：馬啟然