闊別廿年在港演淐籌二百萬
47歲陳美齡去美國做新人

陳美齡前晚在尖沙嘴文化中心舉行慈善演唱會，四十七歲的她透露將於十一月到美國推出英文碟，做當地樂壇新人，實行將其演藝事業由香港及日本推至美國。

四十七歲的陳美齡前晚在尖沙嘴文化中心，舉行「美齡香港　旅」演唱會，為香港醫學博物館籌得二百萬元善款。
陳美齡闊別香港樂壇二十年後再開演唱會，前晚共換了四套晚裝，演唱廣東、日文及英文歌。演唱會後她接受訪問時透露，將於十一月到美國推出英文唱片。

可順道湊仔
陳美齡說：「初初我同個美國朋友玩玩吓咁作咗十首英文歌，自己做埋製作、錄埋音，覺得好聽咪諗住出碟囉，𠵱家打算十一月喺美國出碟。本來我都唔想，因為自己都過咗四十歲，重去做新人好尷尬。不過我個仔遲啲會去美國讀書，我可以順便去陪佢，我𠵱家同幾間國際公司傾緊。」

安仔做嘉賓
而演唱會臨結束前，嘉賓許志安和車淑梅出場與陳美齡合唱《香港香港》一曲，一班小朋友伴舞，當時為晚上十一時左右，車淑梅甫出場即說：「咁夜重跳舞？重係小朋友㖭？」
此外，安仔昨日往電視城，出席TVB8頻道《超級紅人館》節目的「迷唱許志安」記者會，安仔表示該節目會錄影，並安排在下月五日播出。