曾志偉、譚詠麟（阿倫）及陳百祥昨日齊齊往深圳的百仕達屋苑露天廣場，為將於下月二十九日開張的StarEast餐廳舉行簽名儀式，並吸引了逾千名市民圍觀，現場需由四十多名保安維持秩序。
阿倫昨日遲了一個小時才出現，志偉於是向記者說：「阿倫掛住打波遲到呀。」而姍姍來遲的阿倫則透露稍後可能由內地歌手為餐廳表演，若遇有質素者更會簽為旗下歌手。
對於謝霆鋒再上廉署接受調查，阿倫說：「我有問過佢嘅情況，霆鋒話唔方便講，但我贈咗佢一句金句，就係做一個逆境鬥士，要處變不驚。」
志偉則說：「我希望霆鋒冇事，其實頂包嘅嘢時時都有，香港地成日有人撞車，啲人又唔想扣分，好多呢啲情況㗎。」
記者甘比深圳直擊