袁人祥趕潮流，早兩個星期六現身灣仔玩具展會場。一身九龍東裏原宿好不有型，與現場的正宗裏猿少年鬥啤，氣氛緊張。
當日剛巧當紅炸子雞「鐵仁」組合開賣12吋公仔，唔使十分鐘已有二百人排隊認購一空，後尾要加推滿足需求，情況熱鬧過賣樓。袁人祥問：「又話經濟唔好，點解千二蚊隻公仔竟被成班細路爭住搶？畀咗千二蚊要等一個月至有貨攞，但大家仍樂意照畀錢，只怕買唔到變執輸。聽講現場有人炒籌㖭，李超人應該嚟現場，睇吓玩具行業前景非常美好。」
袁人祥果然醒目，Feel到香港最近玩具行業確係好搵，如果被外國人受落就可發展二手巿場，據講當日唔少炒家入巿。情況就似日本，原創時裝牌子大熱，無論一二手巿場都興旺，炒家推動巿場功不可沒。旺角玩具舖多過米舖，買賣新貨之餘，重幫客人上日本拍賣網Bid貨，以Yen價十算計賣番畀客，利錢唔少。政府成日鼓勵香港人創業，但全部脫節，唔該去旺角走一轉感受一下，學吓袁人祥身體力行至掂。
主持人：大食Jack
八卦熱報：