近期一手樓盤銷情暢旺，其中部份原因係首期低或有代為供按揭等優惠，吸引買家，但也有令人失預算的例子。八方聽聞，較早時有一名女士買了信和一個新盤單位，支付首期百分之五後，沒有銀行肯提供按揭，上唔到會，搞到佢好驚青，怕會被迫撻訂及有手尾。
八方噚日同信和老友傾起，佢話雖然該名女士的入息不足以令銀行做九成半按揭，但佢哋都替這名女士搞掂貸款，由信和提供四、五成的二按，銀行提供四、五成一按，最終做成呢單生意。
講開信和，老友重話信和最近在新加坡買了一幅位於旗下浮爾頓酒店旁邊的地皮，該處原為當地最早期的「boathouse」，即係船隻補充站。其後新加坡旅遊局咁啱將當地的地標──魚尾獅像搬到該地點旁擺放，無形令到整個區生色不少，所以計劃在呢幅新收購地盤建造一個漁人碼頭，以便食正條水。八方想問吓，黃志祥係有先見之明，抑或收到料才作此部署？
E-mail：