孫公𠵱家日日要表演問責制，到處推銷，手執《基本法》當然係佢最好嘅護身符。
噚日佢同區議員簡介時，都特登誦讀其中兩條文，以解大家心中嘅政治疑慮。讀還讀，咁樣答問可能有啲悶，唔知當時嘅氣氛係咪好死寂，孫公讀讀吓，都要特別強調：「對唔住，你哋嘅問題咁嚴肅，一定要讀《基本法》嚟答。」隨即引起大家一陣陣會心嘅笑聲。
不過，有個區議員勁撐《基本法》，大讚孫公準備得好好，重話以後嘅問責局長都應每人腦海裏都有一本《基本法》。
孫公嘅反應亦好妙，佢話好抱歉，《基本法》有一百五十九條，而佢啱啱引用讀出嚟嘅兩條，就唔記得。其實熟讀《基本法》呢個提議唔錯，咁不如以後嘅問責局長都要背晒成部《基本法》，作為對老董同中央嘅忠誠度基準試吖！
E-mail：