安雅和何超儀日前在泰國為修身堂拍新一輯廣告，兩人都穿上三點式泳衣拍攝。其中安雅拍攝時更有不少男士圍觀，還被取笑會引得大家流口水。安雅對於廣告相的效果十分滿意，她並表示因此而得到其他廣告商青睞。
三圍數字35C、25和36的安雅，以及34B、24和35的何超儀，日前應張玉珊的修身堂邀請出任代言人，她們更到泰國拍新廣告。何超儀和安雅都穿上性感的三點式亮相，十分誘人。
修身後的安雅，穿上三點式泳衣，盡顯天賦本錢。安雅日前說：「好多人睇過輯相都讚靚，我影嗰陣現場都吸引好多外籍男士圍觀，所以工作人員都笑我唔好去街，因為怕整到成地口水喎。」
安雅續道：「拍咗呢個廣告，我身價都高咗，除咗有片商同廣告商搵我，重有唱片公司聯絡我㖭。𠵱家我去街，已經有人認得我，重有人搵我簽名同合照。」對於會否因此多了男士追求，安雅笑說：「冇呀，不過大家都讚我靚。」
而修身堂老闆張玉珊昨日則說：「其實佢哋拍呢輯廣告時，我都同佢哋做咗思想教育先至拍得成，安雅都帶咗好多外國雜誌去參考人哋嘅甫士，最後研究過佢唔着泳衣上截拍攝效果比較好，佢都好接受。而超儀就以淑女形象現身，我重同佢改咗『何家淑女，荷花池』嘅口號。」
原來超儀一直想以淑女形象拍廣告，可是得不到廣告商接納，張玉珊說：「超儀話自己肥，身材唔好，唔夠S型，不過收身後，廣告出嚟效果好好。尤其做完淨腸瘦身，佢話自己脾氣都好咗。」