舒淇與郭羨妮昨日傍晚齊往尖沙嘴新世界中心，為新開設的NewEra新冶卡拉OK擔任開幕剪綵嘉賓，何鴻燊、四姨太梁安琪、鄭裕彤及楊受成亦有出席剪綵。
舒淇昨日特地穿上過萬元的LV新衣亮相，她說：「我之前見過何鴻燊兩次，喺《北京樂與路》首映咪見過囉。佢讚我靚女，我咪多謝佢囉。」問到任開幕嘉賓有多少酬勞？舒淇說：「一封利是，或者我之後嚟玩有折扣呢？我之前都嚟過，裝修得好靚反而拘謹，都係蘭桂坊舒服啲。」
而郭羨妮昨日身穿一件約值數千元的BCBG裙，她說：「酬勞五位數字夠買衫囉，我有同鄭裕彤，何鴻燊傾兩句，佢哋話我喺拉斯維加斯選華裔小姐時見過我喎。」
採訪：何永寧
攝影：林德雄