一直備受車迷注視嘅全新法拉利F60，最近有外國傳媒披露咗有關此車嘅資料；新車除暫時被廠方稱為FX之外，全新造型亦惹人注目，而一台能輸出高達650匹馬力嘅6.0公升V12引擎，更係新車嘅賣點所在，而新車更有望於今年9月嘅法國巴黎車展中正式亮相㖭。
從相片中可以睇到，呢部繼F40及F50後，所推出嘅全新超級跑車，不但擁有極具流線型嘅車體設計，與一級方程式戰車相類似嘅車頭造型，更有助降低其風阻系數，難怪新車喺一台6.0公升V12引擎（馬力650匹）嘅配搭下，能創造出極速高達316km/h嘅驚人紀錄啦。至於車廂布局方面，則仍然貫徹有法拉利跑車一貫嘅格局，務求予人有置身於高性能戰車之感；而喺四輪五輻式合金軨內，則藏有一套高性能制動系統，亦可給予新車有更出色嘅制動表現。另外，新車喺明年亦要面對保時捷CarreraGT，以及平治SLR等一系列高性能跑車嘅競爭，睇嚟一場超級跑車大戰將會一觸即發。