新世界發展主席鄭裕彤旗下位於尖沙嘴嘅新世界中心，昨日相當熱鬧，原因係舊時富城夜總會老闆「濟哥」陳健焯喺該處開咗間叫「新冶」嘅娛樂場所，昨日開幕更請到業主鄭裕彤及賭王何鴻燊做嘉賓。
彤叔同賭王自上次喺君悅食早餐被楊受成「搭枱」後，三人昨日又再同枱，四姨太梁安琪重同楊受成並排而坐，留番何鴻燊旁邊個位畀郭羨妮同埋舒淇，相信今次唔係「搭枱」。講番濟哥嘅新搞作，股東背景及具體投資額，濟哥就唔肯透露，淨係話投資額過八位數字，及有六個股東。濟哥重話彤叔給予租金優惠同半年免租期，二萬五千呎，呎租約三十元，月租唔使一百萬。
﹙圖﹚新冶現場好熱鬧，記者眾多，四姨太護住燊哥，威猛之極，連保鑣都冇咁架勢。
E-mail：