春夏天最啱食沙律，平時撈沙律用嘅沙律醬，多數係醋汁，或者千島醬，最近我肥師奶就買咗款Topvalu日本芝麻沙律醬嚟撈沙律，芝麻味非常濃郁，另外重有一款味道較清香嘅香草沙律醬汁，除咗撈沙律之外，做涼拌都好適合。
芝麻汁同清爽嘅蔬菜如青瓜、西芹、生菜等最夾，而香草汁亦同肉類分外啱Key。
四月四日係兒童節，大家又知唔知五月五日係乜嘢日子？等我肥師奶話畀你哋知，呢日原來係日本男孩嘅大日子，叫「男孩節」，為慶祝「男孩節」，百佳特別引入部分最新款嘅特色小食，只要由今日起至五月九日，到以下七間分店：又一城、興利中心、好運中心、新都城中心、新都會廣場、大埔超級城及黃埔花園家居庭超級廣場即可以買到，我嘅心水推介有以下呢幾款小食，由左至右：HelloKitty及DearDaniel糖醬粟米($11.9/5枝裝)、武者太鼓米通($14.5/25g)、端午節薯圈(11.9/108g)、鯉魚薯圈(11.9/108g)等，淨係包裝都已相當吸引，有興趣不妨入啲貨。