赤膞健身唔准影露點相
方力申狂谷胸襯千嬅

方力申日前以六位數字酬勞，與楊千嬅一齊為BIOTHERM護膚品做代言人。廣告商看中方力申形象健康，而方力申更惜肉如金，不肯拍袒胸照。

方力申（Alex）最近以六位數字酬勞，成為BIOTHERM男性護膚品的代言人，接拍平面廣告，此護膚品牌的女性代言人則是楊千嬅。
Alex首次接拍護膚品廣告，而BIOTHERM的廣告以往都是以外國模特兒為主，今次看中Alex，全因他是運動員出身，形象健康，而且Alex入行後皮膚依然保持得很好。

用毛巾遮胸
Alex日前為BIOTHERM拍攝造型照，因為攝影師要他除去上衣，拍攝半身大頭相，故他刻意做運動「谷胸」，一到場便狂舉啞鈴、又單手做掌上壓。但所有相片均未可曝光，因為貪靚的Alex不肯讓其露點相出街，拍攝期間一有人拍他露點，他即用毛巾遮胸，因而被人取笑他游水時也經常露點。

「我皮膚好」
為了營造夏日感覺，攝影師刻意在Alex臉上噴水，他不但欣然接受，更用水噴自己，玩得忘形。Alex日前說：「接到呢個廣告都好開心，證明我皮膚好啦！酬勞我都好滿意。佢哋重畀啲產品我試用，我都會用嘅，用完重可以介紹畀啲朋友。」
採訪：胡比