劉德華早前往泰國拍攝綠茶廣告，與四隻老虎仔及一隻嬰兒豹漫步沙灘，為培養感情，華仔更充當保母餵小老虎吃奶，事後幾隻老虎仔便把他當虎爸爸般跟到實。
劉德華早前往泰國拍攝的綠茶廣告將於下周一推出，華仔在廣告內除要扮電影《劫後重生》的湯漢斯紮木筏外，還與四隻可愛的小老虎漫步沙灘，大演對手戲。而當華仔餵過牠們及一隻嬰兒豹飲奶後，小老虎們更把他當作虎爸爸，十分搞笑。
廣告商今次為營造融入大自然的舒服清涼感覺，便安排華仔輕鬆行沙灘，但與華仔並肩而行的卻不是美女，而是老虎及豹等兇猛野獸。
幸好加入拍攝的四隻老虎只得兩個月大，另一隻嬰兒豹亦只一個月大，隻隻都可愛又馴良，華仔甫見牠們即樂不可支，不斷逗牠們玩。
最好笑的是華仔在拍對手戲前，為與老虎仔培養感情而餵牠們飲奶，誰知幾隻老虎仔事後便將華仔當作爸爸，貼身跟着華仔四處走，華仔笑說：「我第一次同老虎合作，佢哋好得意，隻BB豹都好乖，我一抱起佢，佢就成隻瞓晒落我到撒嬌，好似隻貓仔咁。」
華仔又謂幾隻老虎仔十分細膽，他說：「我見佢哋都唔似想像中嘅老虎咁嚇人，就試吓掉番轉頭扮老虎嚇佢哋，點知有隻俾我嚇到彈起掉轉頭走，真係笑到碌地。」
昨日華仔接到通知，泰國政府已安排與他合作的四隻老虎仔入住國家動物園，並公開讓市民為牠們改名，華仔笑說：「我都幫佢哋改咗名，分別係老闆、老細、老友同老夫子。」