最新一期《壹週刊》報道指林建岳有新女友，對方是他公司旗下的公共關係及推廣部總監Selina，岳少並租了離自己寓所只一分鐘路程的中區半山豪宅讓Selina居住。前晚Selina在公司兩位高層的陪同下對報道作出澄清，可見Selina深受公司重視。
林建岳自前年和台灣女友Monica生下女兒後，最近又傳有新女友。今期《壹週刊》報道指貌似梁詠琪的鄺心怡（Selina），原本是何超瓊公關公司旗下公關，去年年底結識林建岳後，即過檔去岳少旗下的豐德麗控股有限公司做總監。
岳少更安排她入住中區半山豪宅蔚皇居，月租三萬八千元，和林建岳的MayTower距離只一分鐘路程。而岳少平時亦會以價值七十八萬的BenzAMGML55越野車接送女方。
Selina前晚在豐德麗控股有限公司執行董事廖毅榮和寰亞電影發行副總經理朱任之陪同下，於銅鑼灣寰亞電影公司辦公室接受本報記者訪問。朱任之表示因為覺得報道影響公司和Selina的形象，所以有必要澄清。
Selina說：「我有少少質疑呢本雜誌嘅公信力，我負責公司嘅宣傳，成日見到傳媒，我唔想俾人跟蹤，影響公司同我嘅工作。我嚟呢間公司係因為我識朱生，佢叫我過嚟幫手我覺得係好機會所以轉工，我同林生（林建岳）只係工作上有需要先至會見面。
「我𠵱家住緊間屋，係我同親戚一齊分租嘅，至於話林生用車接送，係因為我出席完公司嘅活動，已經係凌晨，平日林生見同事做得夜，亦會叫車載同事。」
Selina聲稱不覺得林建岳追求自己，並表示報道出街後林建岳並沒有聯絡過自己，她亦不會因為傳聞而避免和林建岳出席公開場合。至於報道指她曾和方中信、羅傑承拍拖的傳聞，Selina說：「我日日要面對傳媒，唔希望影響到大家嘅關係。」
而廖毅榮則說：「我有同林生講過呢件事，我哋保留追究嘅權利，但因為怕影響公司，又驚有傳媒去公司等或者跟蹤，所以先要講清楚件事，公司咁做亦都係對員工嘅支持。」
採訪：李珮洳
攝影：黃文成