張燊悅（Nicola）早前在日本拍攝第四輯「無比滴」止痕露廣告，但當日她手持狗頭圖案的布袋正準備入廠之際，竟因「同類相吸」而惹來一頭頑皮犬不斷撲向她身上，場面認真尷尬。 記者朱芷瑩東京直擊
張燊悅（Nicola）早前遠赴位於東京的細田谷片廠，為其已連續擔任第四年代言人的「無比滴」止痕露拍攝新一輯電視廣告，但今次赴日拍廣告的Nicola，卻在拍攝前遭狗隻「突襲」。
當日Nicola手持一個購自新宿的新款狗頭大布袋，正準備進入錄影廠埋位之際，一頭頑皮犬乍見Nicola的「狗袋」，竟因「同類相吸」而突然撲向她身上，Nicola隨即將布袋放在身後，但該隻狗仍纏着她不放，搞到場面頗為尷尬，後經工作人員猛力將狗拉開，Nicola才能避開該犬癡纏。
事後Nicola也笑說：「可能隻狗見到我個袋印咗個狗頭，所以至撲埋嚟，冇嘢嘅，隻狗都係玩下，冇惡意。」
而Nicola在當地只花了一日時間，便完成整個廣告拍攝，但她覺得廣告中最難做的反應，便是要她裝作被蚊叮而塗上「無比滴」後，即舒服得跳上沙發的動作，不過「無比滴」的社長Ikeda卻大讚她jump（跳）得kawaii（得意），Ikeda說：「佢jump得非常之好，我對整個拍攝感到滿意，我哋嘅產品銷量比舊年上升咗四倍，所以我哋對Nicola好有信心。」
Nicola聞得社長的稱讚後，亦對記者笑說：「咁我拍得呢個廣告，都希望對產品有幫助，佢哋今年都有加我人工㗎。」