昨日係一年一度立法會捐血日，又有小部分熱血議員捧場。白鴿黨嘅李華明笑言對痛有過敏，所以要打少少麻醉藥，佢又話自己右手血管幼，所以要用左手捐血。唔好見肥仔明咁大隻，其實佢只係捐咗360cc血咋。
民建聯主席曾鈺成就話，以前喺學校都會同學生一齊捐血，佢又笑話因為啲姑娘好好傾，所以同佢去捐血都有啲關係；而另一黨友蔡素玉就常常掛在口邊問人：「你啲血係熱定冷㗎？」
主席范徐麗泰就因為曾經患過癌症，所以唔可以捐血，噚日白行一趟，佢笑言有啲可惜，過往就總共捐過七、八次血。
﹙圖﹚民建聯譚耀宗自豪地攞住自己包血影相，又叫大家摸吓，因為重暖暖哋喎。
E-mail：