八方呢個月初收到一封投訴名校香港華仁書院嘅匿名信，內文話學校收咗一個家長三十萬捐款，令到佢個仔唔使因為考第尾而被趕出校。
幾經波折，校長譚兆炳日前終於肯回覆，話冇件咁嘅事，學校唔會因為學生成績唔好而踢學生走，不過佢就爆咗港華學生嘅家長原來真係好叠水。
譚校長話，舊年十月家長教師會舉行籌款活動，款項用嚟買放喺禮堂嘅冷氣機。譚校長證實，嗰位被人投訴嘅家長有捐到錢，幾多錢就唔講得，而一捐捐三十萬嘅係另有其人，亦有一個家長一擲二十萬，結果總共籌到八十幾萬。
講番嗰單投訴，來信者寫到明話已經向廉政公署投訴，但譚校長好老定話：「如果嚟查，重可以還我清白。」
E-mail：