中國及印度挽救全球經濟免於衰退！大家可能會問有冇咁誇張？但八方噚日收到摩根士丹利全球策略員羅奇的研究報告，就係講呢樣嘢。事緣上周國際貨幣組織（IMF）公布全球經濟展望，新聞也有報道，但羅奇根據報告內的數據，得出文首的結論。
根據IMF的數據，去年全球經濟增長為百分之二點五，但單係中國及印度的增長已令全球增長百分之一點一，如果冇呢兩個國家，全球去年增長只係百分之一點四，係三十年以來第二差，離衰退只差一線。
因此，佢話「中國同印度呢兩個第三世界國家孭起全球增長動力的重擔」，呢句話一啲都唔誇張。八方覺得呢位美國名家咁講，中國人應覺得開心，但至於呢頂高帽是否糖衣毒藥，就見仁見智。
E-mail：