雖則話潮流興飲紅酒，但米酒仍有一定市場，因為其獨特香味零舍吸引，而且煮餸時加些少米酒，分外香濃。
最近我肥師奶喺惠康見到遠航牌嘅純米酒，同埋九江雙蒸酒，出咗新嘅包裝，我喺其他地方都未見過，我老爺都好鍾意飲米酒，於是買咗兩樽送禮，𠱁得老爺好開心。
遠航純米酒$16.5(610ml)
九江雙蒸酒$14.9(610ml)
惠康超市有售
要將固體或液體嘢倒入啲較細嘅樽口內，認真考工夫，但有咗呢款迷你漏斗就唔怕會將啲嘢倒瀉樽外。迷你漏斗由美國製造，高只有5厘米，直徑亦只係4厘米，專用嚟運送物品入啲細樽口內，如油、鹽、糖、醋等等，甚至可以將啲化妝液倒入樽仔內，以方便攜帶出門用，迷你漏斗Size細細，但用途廣，好使好用，又慳位。
銷售點：太古城city'superLOG-ON
芝士腸外皮脆脆，咬入口便流出熱辣芝士汁，最受大人小朋友歡迎。但平時喺凍肉舖買到嘅芝士腸價錢都唔平，一包十幾條要十幾二十蚊。
好彩我肥師奶搵到一款好抵食嘅芝士腸，圓球造型嘅芝士腸，一包十五粒都不過賣六蚊，認真抵食。
$6/包（15粒）
銷售點：鑽石山鳳德街市42、43號鳳德凍肉
文：肥師奶