恒基嘅北角御皇臺上個拜日做內購，美聯做到頭籌買家，而中原嘅袁廣達，單挑促成4宗成交，其中兩個係跟開嘅客，另兩個就響售樓處兜番嚟。
建旺集團主席李健強啱啱賣出赤柱東頭灣道33號獨立屋，成交價8000萬，蘭西收到料話係利嘉閣促成。
利記計劃今個月底下個月初搞慰勞宴，請做滿3年嘅員工食一餐，在1000員工中，200幾人有資格出席。
筲箕灣康華大廈雖然唔係好出名，但不時有成交，美聯物業邱鵬表示，2座中層394方呎單位，連租約以92萬元賣咗，以單位連差餉月租5300元計，回報率有6.9厘。
新世界附屬嘅富城物業管理公司，今個月起為6個屋苑的住戶，提供繳費聆交管理費服務，到年底相信全部管理嘅屋苑都可以用呢個服務。
蘭西