電腦新產品：
蘋果發芽！　實地測試Mac用藍芽組件

蘋果在東京MacWorld上公布了對藍芽的支持，同時公開了支持的硬件，立時搞到好多人周圍搵嚟試，但遍尋不獲。終於本月在外國開始有貨供應，剛巧有朋友帶了一件回來，立即為大家品嘗一下發了芽的蘋果。

文、攝：麥朗　特別鳴謝：SimonLou

與AirPort互補長短
相信好多人知藍芽，咁Mac裝咗之後可以做啲乜呢？據蘋果的BlueTooth網頁講，主要係用嚟接駁手電、PDA及其他周邊裝置，亦可以利用藍芽將兩部Mac連接作點對點連線。蘋果希望利用藍芽來補足其無線功能，因為現時的AirPort只能提供網絡聯線功能；而藍芽則勝在用途比較多，十分適合作周邊連線之用，但速度低，卻又對網絡功能不勝負荷。各有長處正好互相補足。

藍芽收發器D-Link
蘋果電腦現時公開了供OSX用的Bluetooth測試軟件TechnologyPreview1，只支援OSXv10.1.3及以上。這不是正式版，未必穩定。至於藍芽收發器，蘋果電腦就推薦用戶使用呢款D-LinkDWB-120MUSB藍芽轉接器。聞說坊間有小量水貨出現，售價約為四百多元。截稿前收到最新消息，香港蘋果網上店有得訂（appleclub.com.hk ），售$400，但要等6至8星期至有貨。

安裝藍芽預視軟件：

丟咗個Cradle！
咪住，個Cradle留番做後備嘛，還要充電呢。用藍芽SyncPalm其實只係夠方便，令到枱面唔好咁多線，因為現時這個藍芽組件最高速度只有723kbits，相對USB最高的12Mbits實在差太遠，首次HotSync一個新UserAccount真係等到我傻。

進行無線HotSync：

評語：成功！
不過操作情況不太穩定，有時會中途斷線，亦試過Sync唔到。


藍芽上網去！
我覺得此功能比較實用，一部iBook加個藍芽電話，真正去到邊都可以收發電郵。上網？唔好啦，得9.6kbps，以家陣啲網頁來說，真係唔夠快。不過，有得用同冇得用，你揀啦。

無線上網藍芽設定：

進行電話連線：

評語：成功！
連線情況穩定，效果滿意。記住要用有數據服務的手電戶口或儲值卡。


後記
用咗幾日，發覺藍芽都係適合做周邊，希望第日有多啲藍芽鍵盤、滑鼠之類就好。謠傳新PowerBook都將會內置藍芽，但係可能因此而推遲發表，真係唔知真定假。

優點： 完全無線，好方便
缺點： 慢！好慢！尤其係傳輸檔案時。