早前，剛推出全新CR-V嘅本田車廠又搞新意思喇！皆因SUV市場響北美及歐洲需求甚殷嘅關係，廠方有意響CR-V之外，開發多一款另類嘅SUV。
呢部仍未有定名嘅概念版SUV，造型粗獷富野性外，佢最特別重係車身兩旁嘅車門，採用左右開拉式設計，給前後兩排乘客上落倍感方便之餘，就連車尾門亦為上下兩截開合㖭！至於車廂陳設，由於佢用上中控台嘅4前速自動波配搭緣故，故兩排座椅間有Walk-through嘅方便外，前、尾排座椅放平，重可以變成寬敞嘅卧鋪；而將尾排座椅收摺掛起，重可以令尾廂容量倍增㗎！講到引擎配搭，新車會用上一台2.4公升直4i-VTEC引擎，有前驅及四驅型號供用家選擇㖭！有興趣嘅朋友，不妨拭目以待喇！