朱茵近日獲「現代經典」專業婚紗攝影邀請，成為新一輯廣告的代言人，並取代做了六年代言人的李珊珊。婚紗公司老闆兼攝影師葉青霖還大讚朱茵夠專業。
現年三十歲、三圍34D、24、33的朱茵，最近獲邀做張玉珊的修身堂代言人，她減肥成功，去掉腰間的豬腩肉，而「現代經典」專業婚紗攝影老闆葉青霖亦找她出任婚紗代言人，取代現年二十四歲、三圍36C、25、36的李珊珊。
攝影師葉青霖早前在影樓為朱茵拍攝新一輯婚紗照，婚紗公司並為她特別度身訂做了一批新的婚紗和晚裝。
朱茵表示跟葉青霖合作愉快，她昨日在電話中說：「佢（葉青霖）同相機融為一體，佢捕捉神情同技巧完全係大師級，所以同佢合作得好放心。」
問披上婚紗拍照的朱茵可會有嫁人的衝動，她說：「唔會恨嫁，我當做嘢啫。」昨日有消息指朱茵近日帶同風水師到西貢匡湖居看單位，並購下一個價值六百五十萬的單位，朱茵說：「係咪認錯第二個靚女？我只係以前拍戲去過嗰度，不過我買樓都只會憑感覺，唔會睇風水。」
據知葉青霖這次為邀朱茵合作，出動高達七位數字的酬金，他昨日在電話中說：「價錢嘅嘢唔好講，總之朱茵絕對物超所值，我哋重簽咗幾年合約。其實呢次朱茵都唔算取代李珊珊，只不過我哋想增加新面孔做代言人，所以就搵朱茵配孖仔組合陳躍虎同陳騰龍啫。」
問葉青霖跟朱茵和李珊珊合作有何不同感覺，他說：「我同珊珊稔熟，大家合作好有默契，而朱茵雖然唔熟，但佢面對鏡頭好專業，大家即刻交流到，佢亦做到我嘅要求。」
採訪：比華利