阿牛噚晚喺亞視亮相，搞到八方同班行家周身唔得閒，原來阿牛今次唔係去抗議絕食，而係去參加亞視新節目《群雄奪寶》嘅面試。
阿牛話今次參加比賽唔係為獎金，只係貪玩，因為平時坐喺屋企睇電視，都會答吓問題，咁昨日忽然興起，又打通電話，所以咪嚟玩吓囉。
亞視一共出咗十五條問題，有文學、歷史同時事畀阿牛答，有冇機會入圍今日就知。阿牛話，唔怕被人笑，又唔怕被人誤會經濟有困難，因為冇呢回事。
阿牛認為，今時今日社會嘅態度係要把握機會，不應放過，佢重話，自己十三年前都參加過無綫嘅《全港奇趣設計大賽》，唔知人家重記唔記得呢？
﹙圖﹚阿牛現身亞視，原來係參加比賽面試。
E-mail：