八方一向覺得香港雖號稱金融中心,但對小股東的保障卻不夠,噚日同一位晉利地產的小股東傾完後更加深此感覺。
晉利只不過是一間小型上市地產公司,市值不足十億,但一百一十八位小股東在數年前開始一直同大股東周旋,重成立了一個叫做「維謢晉利公眾持股人權益委員會」,原因係佢哋覺得大股東根本冇重視小股東權益,最後迫得財政司司長委派調查員去了解晉利公眾持股量不足的問題。這件事在幾年前已有傳媒報道,調查員去年底也公布結果,顯示晉利大股東持有九成股權,違反上市規則,事件好像告一段落。
上周,晉利公布要小股東供股以令公眾持股量達上市規定,呢班小股東才驚覺過去的努力其實沒有成績,因為佢哋一直以為可迫使大股東減持股份,令股份流通量增加,但原來唔係呢回事。
委員會內一代表同八方講,佢哋約咗聯交所負責人今日下午去開會,原因係覺得聯交所任由晉利管理層「魚肉」小股東,實在冇公理,佢重問點解大股東違法持股,小股東反而要供股?
E-mail: