每逢換季的時候，各位媽咪最頭痛就係用最慳錢的方法，買質素最好的衫畀你的心肝寶貝，小記今次介紹呢間上樓特賣場，就有過千件名牌GUESS童裝到埗，且以3折起的超筍價益各位媽咪。雖然唔係今季款式，但件件都係襟睇長興款，每個款式只有10件左右，絕對抵買又矜貴，媽咪今次唔使為換季而煩惱啦！
記者：區佩嫦 攝影：林栢鈞
ImageKids：丹丹、中中
夏天點可以無花卉點綴呢？這件碎花Tee，有內外兩層，內層為白色的Nylon，而外層則為有碎花圖案的Polyester，兩者的質料都屬柔軟，充滿飄逸感覺。
尺碼：適合8至16歲
原價：$395
超筍價：$100
今次GUESS的童裝其實亦有中童款式，好似呢件棉質背心咁便屬中童款，小記最愛便是襟前的恍如嘴唇形的閃粉圖案，夠晒搶眼，穿上身又夠型。
尺碼：適合8至16歲
原價：$210
超筍價：$100
恤衫襯短褲絕對是男孩子最佳衣着，好似這件棉質白恤衫的前幅看似平凡，但好戲在後頭，只要一轉身，栩栩如生的海豚便一湧而出。
尺碼：適合6個月至4歲
原價：$195
超筍價：$50
肥嘟嘟的小妹妹穿上性感的吊帶背心裙，感覺特別可愛，好似呢條吊帶背心裙，用了充滿夏日感的粉紅色，襯上小妹妹的可愛笑容，感覺猶如置身陽光海灘般。全條裙用有凹凸圖案的棉質做成，手感特別，襟前有同色的繡花點綴，以及腰位的小袋設計，夠晒可愛。
尺碼：適合6個月至4歲
原價：$250
超筍價：$100
小記覺得小妹妹穿上背心特別可愛，好似這件粉紅色的棉質小背心，小妹妹穿上後活潑之中帶點性感，配上同樣有繡花圖案的桃紅色長褲，夠晒相得益彰。
尺碼：適合6個月至4歲
衫原價：$120
超筍價：$50
褲原價：$250
超筍價：$100
愛穿熱褲的你，不妨考慮這條深色的牛仔短褲，小記最欣賞是褲腳位的繡花花紋，顏色夠鮮豔，圖案細緻得嚟又唔老土，穿上後盡顯腿部的線條。
尺碼：適合8歲至16歲
原價：$365
超筍價：$100
這條藍白色的格仔褲，棉質質地輕柔透氣，其設計帶點燈籠形，脹卜卜的感覺，加埋褲腳位的蝴蝶設計，夠晒可愛活潑。
尺碼：適合6個月至4歲
原價：$155
超筍價：$50
愛靚的小男孩不妨選擇顏色夠Sharp的Tee吧！這件橙色的棉質Tee，袖口位有GUESS的布條作點綴，夠晒簡單。而深藍色的長褲，其過癮之處在於褲的內側有一排鈕釦，怕熱的小朋友，不妨用來通通氣！
尺碼：適合6個月至4歲
Tee原價：$135
超筍價：$70
褲原價：$245
超筍價：$100
小記覺得小妹妹穿着連身裙最可愛，好似這條白色的棉質裙，質料較堅挺，而小記最欣賞是這條裙上的斑馬毛毛布的點綴，黑白分明，最啱年紀較大的女孩子穿着。
尺碼：適合4至10歲
原價：$295
超筍價：$70
近年極流行珠片圖案的Tee，小記就建議各位媽咪不妨考慮買這件珠片Tee，棉質質料夠晒舒服，襟前用珠片砌成的GUESS字樣，圖案簡單又夠搶眼，簡簡單單襯條牛仔褲就已經好好睇！
尺碼：適合6個月至4歲
原價：$290
超筍價：$120
今年流行白色，小妹妹當然要迎合白色潮流，這件背心白恤衫，棉質質料舒服唔在講，腰位以打結設計，加上荷葉花邊袖，夠晒活潑可愛，再配埋褲腳位縫了絲帶的牛仔短褲，簡單中見心思。
尺碼：適合6個月至4歲
衫原價：$150
超筍價：$70
褲原價：$155
超筍價：$50
舖名：3838
日期：由即日起至5月7日
營業時間：12:00noon-10:00pm
地址：銅鑼灣羅素街38號金朝陽中心38樓
電話：29702272
＊收現金、EPS、VISA及MASTER。