早陣子，福特終於響灣仔搵到個Showroom，總算喺香港同九龍都有個根據地；之不過，大家咪以為佢哋嘅話事人LeonardCheng，可以輕鬆落嚟噃！
皆因早前亞Mark曾經同大家透露過，話今年底勞斯萊斯嘅代理權，將會由大昌手上轉投到森那美集團旗下，而據知現有代理會響今年6月開始，停止售賣跟賓利分屬姐妹車嘅勞斯萊斯，免得替客人訂得車來，會益咗下一任新代理嘛！而LeonardCheng就除咗要負責福特嘅日常運作之外，佢重要統籌來年新代理勞斯萊斯轎車嘅事宜，所以𠵱家除咗要替勞斯萊斯搵新Showroom之餘，重要向外招兵買馬，搵一班具有豐富經驗嘅Sales㖭！睇嚟LeonardCheng重有大半年時間，會忙個不亦樂乎呢！