近期上市公司陸續公布業績，繼深圳控股（604）噚日公布盈利上升22％後，另外兩隻深圳股，深圳國際（152）同埋深圳科技（106）都會在周五公布全年業績。
經紀陳話，由於以往曾經喺深圳科技身上賺過錢，所以對佢特別有偏好，佢話隻股嘅幕後其實算唔錯，日日出嚟維持秩序，睇得出有心想做好隻股。
佢話深科舊年年中，以26仙配股後，被一啲唔守規則嘅人，將隻股掟到散哂。跟住舊年年底，聽講話因為想注資，所以一度炒返上去19仙樓上。
不過，收尾注資一事好似有阻滯，加上市況問題，股價又回番晒，但幕後仍然冇死心，好似近排喺17至18仙水平守得好穩陣。噚日微升1.1％，收17.7仙，有成354萬銀成交。
深科上次中期業績由虧轉盈，斷估全年業績都唔會太差，所以經紀陳話有得諗，可以坐一轉順風車。
慕容小初