楊千女華和鄧健泓前晚為商台的「饑饉三十」閉幕音樂會演出。陳奕迅早前在台灣演出時不慎傷及下體，千女華前晚不停以這件事作話題，還勸喻鄧健泓不可在台上跳跳紮，免發生意外。
楊千嬅、黃貫中（Paul）和鄧健泓，前晚在香港仔運動場出席商台的「饑饉三十」閉幕音樂會。早前陳奕迅（Eason）在台灣做校園騷時不慎發生意外弄傷下體，前晚千嬅在演出時，竟有感而發，她除了勸喻同台的工作人員要小心，不要碰撞受傷外，還叮囑鄧健泓演出切忌跳跳紮，以免發生跟Eason雷同的意外。
千嬅捱餓三十小時後，前晚可能因為肚餓體力不足，表演時一度出錯，但她即時叫工作人員重新來過，千嬅說：「雖然個騷唔收錢，但都唔可以求其。」
當千嬅表演途中，有工作人員在舞台弄樂譜架子，她即說：「你哋唔好踢到我，以免做成莫大嘅陰影。」千嬅不但在台上步步為營，更因Eason傷下體的陰影，不忘提醒鄧健泓要小心。鄧健泓說：「頭先喺後台，千嬅叫我一陣出去唔好跳跳紮，費事陣間又整親，唔好喺啲咁環境搞啲咁嘢出嚟。」
鄧健泓視Eason為偶像，他認為若傷下體事件發生在自己身上，自己肯定會哭不成聲。問鄧健泓可曾試過做割包皮手術？他說：「阿媽話我細個做過呢啲手術，我當時全程都喊。」
記者問鄧健泓當時有幾大（指年紀），他卻誤會記者問其敏感部位多大，竟以手指尾示意，事後發現會錯意，即十分尷尬地說：「你哋唔好話我𠵱家咁大。」鄧健泓再谷起手瓜然後說：「我𠵱家咁大。」
採訪：卓美娟
攝影：林德雄