宣萱早前為「四洲紫菜湯麵」拍攝電視廣告，她在廣告中一人分飾兩角，先化身忍者，然後再穿上和服扮日本妹，宣萱自己看到也覺搞笑。
宣萱去年為「四洲上湯伊麵」拍攝電視廣告，由於播出後反應不俗，故廣告商最近再邀請宣萱為新推出的「四洲紫菜湯麵」拍全新一輯電視廣告。
宣萱早前在柴灣一間影樓內，分別以忍者造型及和服look拍廣告，並在廣告中一人分飾兩角。她先扮紫衣忍者向屋內正在吃湯麵的和服宣萱飛出紫菜，和服宣萱見狀即以風車袖將紫菜𠝹碎，最後兩個宣萱更爭麵食。
宣萱透露拍攝當日，最搞笑是自己扮日本妹對着空氣使出風車袖𠝹紫菜一招，她說：「我睇番帶嗰陣，自己都忍唔住笑到爆肚。不過揮動衫袖嘅時候都要好用力，搞到個導演叫我歡容啲，好在出嚟嘅效果好OK。」
這輯新廣告將於後日（二十五日）在香港及內地同步播出，問宣萱對今次的廣告酬勞滿不滿意？她笑說：「滿意，係開心價。幾多就唔好講啦，但我入行到𠵱家拍咗成十幾個廣告，呢個廣告我覺得好有趣，算係我一個幾有代表性嘅廣告，而且我花一日時間就拍起，直情係快、靚、正呀！」
採訪：朱芷瑩