提起Yahoo！相信好多人會馬上諗起佢個好強嘅「搜尋器」，喺網上縱橫馳騁時要搵網站、查資料，有邊個未靠過佢！不過最近佢哋個「搜尋器」重加咗個網上紅娘功能，竟然可以幫你喺網上搜尋埋男朋友同女朋友，呢個啱啱推出嘅「友緣人」服務，可以透過電腦同手機跨媒體連結，幫你喺網上尋找有緣人！
記者：朱崇德 攝影：楊錦文
Model：Gloria&Yat（星工場）
以往提起網上交友，好多人都會馬上感到枯燥無味！一直以來，網上交友都打不破網絡的虛擬空間，感覺有如同鍵盤、螢幕談戀愛一樣！不過近年外國新興了一種網上交友方式──Personals（個人廣告），以一個中間網站作轉介，有興趣在網上交友的男、女網友，可先在網站上留下個人簡介、數碼相片及興趣傾向等資料，故稱個人廣告，如果遇有合心意的對象，就可以透過網站的中間介紹服務，互相結識！
有些功能較強的網站，更會替你尋找適合的交友對象，有外國報章形容它有如網上婚姻介紹所，因為的確有不少人是靠這樣的服務拍拖結婚；本着純為網上交友的人亦大不乏人！近年較出名及多人試用這項服務的網站，就分別有YahooPersonals同Match.com。
「友緣人」係「雅虎香港」首度為香港引入嘅全中文介面網上「個人廣告」式交友服務！無論你想搵個啱Key啱玩嘅死黨、談情說愛嘅有情人，抑或純粹交個筆友傾傾偈，呢度都可以幫到你，
想玩「友緣人」必須要年滿18歲（以防心智未成熟人士參與），只要一經網上登記，你就可以免費將個人資料上網，如姓名、年齡、近照及個人介紹等，好似網上廣告一樣隨時供人查閱，你便可以耐心地等待有緣人出現，亦可以主動結識心儀對象。
不過最突破性的設計，還是網站特別為每個「至尊友緣人」（要收費）而設嘅電話留言信箱；你除咗可以利用一般手機將一段聲音留言，上傳至「友緣人」網絡作聲音檔案自我介紹，供人查聽外，重可以向其他至尊會員發出留言，甚至直接對心儀對象留聲留情（雅虎將會收取每六秒八毫的談話費）。如果要使用上述的增值服務，現訂的月費為$40，基本上已經可以完全享用各增值服務，包括隨時以電郵、SMS聯絡其他友緣人及開設留言信箱，隨時Phone中傳情等。
另外，在上述的收費增值服務中，還加入了一項非常好用的「SMS月老」功能，用家只要一經輸入理想對象嘅資料，例如學歷、年齡、興趣等等，搜尋系統便會在芸芸會員檔案中，為你極速搜尋出符合你條件嘅網上有緣人，然後再透過手機SMS與你聯繫，將啱Feel嘅對象資料，直接傳遞到你手機之上；咁以後想約會、傳情達意就好容易！