前晚舉行的香港電影金像獎頒獎典禮，眾女星既爭奪獎項，亦來個衣着鬥一番，名牌名師設計紛紛出籠。雖然好醜見仁見智，但名設計師鄭兆良及形象指導張學潤則各有意見。鄭秀文（Sammi）以一襲MartineSitbon超低胸晚裝亮相，卻與施南生撞衫，鄭兆良大讚Sammi以坦蕩平胸穿低胸裙是自信演繹。而梁詠琪的LV晚裝則被兩位大師齊彈失準。
MartineSitbon裙$17,000
鄭兆良讚：平胸又點？呢啲就係自信嘅表現，條裙畀大胸女人着根本唔好睇，事關佢呢件衫似二十年代款式，當時女人就係興身材平板。
張學潤彈：平胸唔係問題，但都唔係着條完全冇晒線條嘅裙出嚟。
MartineSitbon裙$17,000
鄭兆良彈：Sammi演繹好好多，首先我唔鍾意佢呢件顏色，第二佢冇袖咁着襯珠鏈就好，但多條絲巾就比較累贅。
張學潤讚：佢身材較Sammi玲瓏浮凸，着得最恰如其分。
LV裙
鄭兆良彈：只將LV廣告着番上身，好似慌死人唔知係LV，完全表現唔出性格，冇自信嘅演繹。
張學潤彈：LV條裙係靚，但GiGi着唔出當中味道，上年佢着YSL突出得多。
鄭兆良彈：蔡卓妍條裙設計得幾靚，但我唔明佢點解要襯呢對鞋，想玩突出都唔使搞成咁。另外着黑色裙嗰個鍾欣桐就好啲。
鄭兆良彈：佢呢套同之前出席頒獎禮嗰套一樣，都係着到佢好矮。瀨戶如果下身着牛仔褲，佢上身就應該好似林嘉欣咁襯透視裝。
鄭兆良設計
鄭兆良讚：呢件衫係上年我幫佢做，佢將前面再拉低啲着冇問題，反正係將佢最好本錢騷出嚟。
張學潤彈：露得多肉得滯，令佢睇嚟太過豐滿。
LV裙
鄭兆良評：好普通，冇乜特別。
ChristianDior裙
鄭兆良讚：我唔知佢之前着Dior俾人彈，但Dior係好難着，而佢就着得好好睇，有去奧斯卡嘅感覺。
張學潤讚：阿梅今次就着得好睇，着得最出眾，好似女神一樣。