自從韓風襲港後，就連我老公同啲細路都改變咗飲食口味，佢哋唔再開口埋口要飲汽水，而愛上咗柚子茶，我肥師奶當然要為佢改變一下購物習慣。
今日畀我肥師奶發現到呢款韓國出品嘅金師傅蜂蜜柚子茶，喺吉之島做緊特價，當然第一時間買咗幾樽返屋企，只要用一至兩匙分量，加入熱水或凍水拌勻就可以飲用。而我肥師奶就鍾意飲蜂蜜紅棗茶，補血之餘又滋潤。
特價$35.9/樽550克
原價$42/樽550克（兩款同價，特價期至五月二日）
吉之島有售
香港進口嘅水蜜桃大致上都係兩個品種，新西蘭同北京進口貨，而率先可以喺市面上搵到嘅就係呢款新西蘭水蜜桃，佢貌似桃駁李，色澤金黃中又帶棗紅，Size比北京水蜜桃略細三分一，食落較爽，汁較少，但味道酸甜適中，有助消化，趁上市無耐，買啲試吓，都幾抵食。
文：肥師奶