現年二十三歲的日本女星安西纊子，近來除了專注與男友CHEMISTRY主音川畑要拍拖外，主要忙於其化妝品及時裝生意，她每月均會在時裝雜誌《ViVi》的專欄，教女fans扮靚。安西有見夏日將至，便搞搞意思，幫雜誌的長期讀者挑選比堅尼，擺明車馬教人識男仔。
安西為五名女讀者揀選的比堅尼，全以「拍拖時着畀男友睇」為主題，就如她所說：「要令到男友睇到暈晒浪，件泳衣最緊要圖案夠可愛，剪裁夠性感，但同時要顯示到成熟女人嘅魅力！」安西更身體力行，帶讀者到三愛水上樂園泳衣店，親自為她們揀選心水戰衣。有趣的是全程以安西最為雀躍，她與川畑拍拖的幸福全溢於臉上。
安西被讀者問到如何保持最弗身段，才發現她為了瘦身，每日要跳六小時健康舞。安西說：「我好羨慕BritneySpears同JenniferLopez健康性感嘅身形，所以我唔主張唔食嘢，反而我哋要大量食、大量做運動。跳舞除咗令我肌肉結實，重可以練氣。」