黎瑞恩前晚在紅館為婚前告別演唱會揭開序幕，面對台下歌迷的熱情，她三度落淚。黎瑞恩更請得好友佘詩曼齊扮Twins表演翻觔斗助興。
黎瑞恩在紅館舉行一連兩場的「黎瑞恩夢成真演唱會」，昨晚結束。前晚首場演出黎瑞恩得未婚夫曾智明及準老爺奶奶曾憲梓夫婦到來捧場。而黃凱芹、車婉婉、佘詩曼（阿佘）和蔡一傑等上台助陣演出。
黎瑞恩前晚在演唱會先後換了七套衣服，其中在安哥時所穿的婚紗價值過百萬。黎瑞恩穿着婚紗在台上說：「生兒育女係女仔嘅夢想。」台下歌迷即指她美夢快成真，黎瑞恩卻說：「希望啦。我好多謝大家幫我夢想成真（指開個唱），我好想多謝一個人，我男朋友（曾智明）話我唔可以喊，如果唔係我會由頭喊到尾。」
黎瑞恩在演唱會中跟阿佘一起扮Twins獻唱《愛情當入樽》，兩人在台上翻觔斗和打籃球。黎瑞恩不用工作人員幫手，獨自翻觔斗，但阿佘則要兩個工作人員從旁協助才可完成。之後，黎瑞恩被抬高投籃，可是第一次卻不成功，要投第二次才中，引得哄堂大笑。
阿佘事後獨唱一曲《愛你這樣傻》，可是唱至中段她卻忘記歌詞，阿佘在台上說：「死啦，我唔識㖭！」台下的觀眾馬上拍掌以示支持。
其後，黃凱芹出場即問在場歌迷黎瑞恩叫「乜太」？歌迷答：「曾太」。黃凱芹又說：「你哋係咪個個鍾意黎瑞恩，之後要改口，大家要鍾意曾黎瑞恩。」黎瑞恩被歌迷的熱情感動，三次落淚。
演唱會後，黎瑞恩在後台接受訪問，她說：「我真係好開心，佢哋（指曾憲梓夫婦）係第一次正式睇我唱歌，佢哋話嚟睇一陣。我着短裙要着長褲打底，因為我覺得隻腳似壘球棒。」
採訪：汪正文 攝影：陳志嵐