劉錦玲、胡杏兒、陳慧珊、郭羨妮和秦沛等，昨日在烏溪沙青年營的球場為無綫新劇《絕世好爸》拍煞科戲。
胡杏兒跟秦沛在劇中扮演父女，相處融洽，胡杏兒還有意跟對方上契。秦沛說：「以前同我合作過嘅張曼玉、楊千嬅同佘詩曼等，見面時都叫我爹哋，之前杏兒重叫我畀意見佢點揀男友，我話最緊要有錢，好嘅就百年好合，唔好嘅都有錢落袋，千祈咪搵圈中人做男友。」
此外，劉錦玲昨日帶病上陣拍攝，她早前與李子奇拍攝一場分手戲時，因李子奇的手不慎觸及她的胸部而令她不滿，劉錦玲昨日說：「其實拍呢套戲，大家都相處得好開心。至於嗰件事，咪當豐富我嘅演藝生涯，但當中情緒起伏係意料之外嘅事。」
採訪、攝影：楊潔雯