簡炳墀噚日檔新界原居民議會成立就職，喺元朗一個大球場大擺盆菜宴五百圍，每圍十人，成個球場就擠滿差唔多六千人，認真大場面。
簡Sir重請來李鵬飛同鄧兆棠做嘉賓，飛哥話雖然有朋友叫佢唔好去，但因為同簡Sir多年老友，而且女婿又係原居民，當然要捧場。簡Sir噚日帶埋個仔簡永輝見見班父老。簡Sir個仔做大律師，當然要幫阿爸睇檔，做顧問，雖然八方問佢對於阿爸咁激保護原居民權益點睇，佢就兩次笑言「我唔理佢」。
雖然阿爸對政治好有興趣，但喺英國讀書嘅簡永輝就無諗過從政。佢又話，阿爸除咗朝早四點至七點出去，平時都會喺屋企，所以都會同佢傾吓偈，而且重好溫柔㖭。
（圖）噚日新界原居民議會就職禮，簡Sir（中）帶埋個仔簡永輝（右）見見飛哥班父老。
E-mail：