前任政務司司長陳方安生噚日以香港少年領袖團榮譽贊助人身分，出席新一屆香港少年領袖畢業會操，班少年領袖經過八個月辛苦訓練先至可以畢業，陳太都讚呢班畢業生有毅力。
陳太無做官已經大半年，但佢嘅四萬式笑容仍深受市民歡迎，在場好多家長都要求同佢合照留念，陳太都來者不拒，重興致勃勃咁同在場嘅小朋友玩。
對於佢個新抱仔李美恩再度懷孕，預產期喺今年十月，陳太話孫仔、孫女都無所謂，因為都係自己嘅孫，雖然陳太話對做第二任嫲嫲嘅心情冇咩特別，但佢講嘅時候，四萬笑容笑得特別燦爛。陳太重同八方講，佢喺六月中嘅時候會去美國一間大學演講，但題目重未諗到。
（圖）就快又抱孫嘅陳太（中）真係好鍾意小朋友，見人哋個女都忍唔住摸吓下巴。
E-mail：