上周5個交易日，電盈（008）總成交2.27億股，拋空盤佔16%。大藍籌中，拋空比例最大係佢。唔排除部分係利用衍生工具套戥。
淡市中，拋空盤會令隻股票跌多幾錢重，但市況一旦轉好，冚倉會冚得好狼忙。
5個交易日，恒指上升541點，但電盈只係爬高1仙。𠵱家電盈買升好過買跌，博佢跟番大隊上番去，又博大市氣氛繼續好，電盈空倉盤俾人挾到七彩。
電盈現價1.98元，下跌之時1仙1仙咁跌，但上番2元之後，則2.5仙跳一跳。
電盈Call輪要執番件搵食，最佳對象係9111，上禮拜五收27仙，單日散11.5%，啱買。
中海油（883）上禮拜五收10.25元，升30仙，創歷史新高，PE上到去10.9倍。中石油（857）冇郁，企定喺1.60元，PE得6.3倍。
睇住嚟，中石油會由中海油帶住升，揀番件中石油Call輪冇蝕底，對象係9070，明年1月到期，現價33.5仙，負溢價0.9%，槓桿率4.8倍，抵食。
章 盛