藝人容祖兒說：「我過往都經歷過低潮，早前唯一本錢聲帶又生繭，重以為事業就此玩完。我覺得今日唔開心，明白還有希望，大家要珍惜生命，堅持信念，乜嘢難題都會迎刃而解。」
跳水皇后伏明霞在北京表示：「人的一生要嘗不同的苦，大家不要放棄自己。就像我練跳水的時候，遇過很多挫折，總是覺得自己不成功，但我堅持到底，結果拿到金牌。人生遇到不開心的事，找朋友聊聊，這方法蠻不錯的。一定要珍惜生命。」
香港游泳好手兼歌手方力申說：「就算遇到一啲唔如意嘅事，都唔應該鑽牛角尖，千祈唔好以死去解決問題，家長更唔應該帶埋子女去自殺，好多人患咗絕症想生存都冇機會，所以做任何決定都要三思。」
警務處處長曾蔭培：「自殺唔係解決問題嘅方法，尤其家長殘害自己嘅子女。任何家長都無權奪取自己子女嘅生命……我認為整個社會都要積極面對解決呢個問題。」
民政事務總署署長李麗娟：「所有香港人包括我自己在內，都覺得件事令人非常心痛，有乜嘢事大人都唔應該牽連啲細路……凡事都要睇開啲，並要尋求社署及資助機構嘅支援服務。」
十七歲的香港「保齡球神童」胡兆康：「每個人都會遇到失敗或者難解決嘅問題，好似我打波輸咗咁，咪從敗陣中學習，一定唔可以氣餒，就咁死咗咪贏唔番囉！」