我Apple姐不時揭開報紙雜誌，都有見到啲工作量少嘅女星，着得身光頸靚，名副其實係忽然富貴。 我Apple姐有個好姊妹，早排去歐洲遊埠，佢喺名店街遇見八九年港姐亞軍朱潔儀同個中年男士一齊行街，嗰位男士重幫朱潔儀拎住一袋二袋名牌戰利品㖭。 反應極大 最好笑係我Apple姐個好姊妹，好老套咁叫佢啲朋友幫佢影一幅「到此一遊」相，一拎起相機啫，朱潔儀同佢嗰位男性朋友就誤會咗係影佢哋，即刻火速閃開，使唔使咁驚青呀？