古天樂昨日在海逸酒店為父親慶祝七十大壽，更邀請了老友宣萱和鄧一君等前來，古仔表示已送了京士柏山的豪宅給父親做生日禮物。而古仔父親昨日被記者拍照時顯得很緊張，並拔足狂奔迴避。
古天樂昨晚在海逸酒店筵開三席為父親慶祝七十大壽，除親友外，古仔亦邀請了圈中友好宣萱、鄧一君、林曉峰和無綫製作總監梁家樹夫婦等出席父親的壽宴。雖然古仔近日正趕拍《絕世好B》，但為了替父親祝壽，他特別向電影公司請假一天，昨早先陪雙親飲早茶，接着與母親在家拜祖先。
三年前，古仔父親腦中風入院，古仔不惜再與無綫續約向公司借了百多萬醫治垂危的父親，經過約半年的調養，古仔父親除了記性較差、有時行為像小孩一樣外，健康基本上頗不錯。
古仔昨日說：「爸爸𠵱家行得走得，我都好放心，今日我同媽咪陪佢飲完茶，問佢想要乜嘢禮物，點知佢話有心得啦，雖然阿爸話乜都唔要，但媽咪就叫我買個金壽桃畀佢。」
下月古仔在京士柏山的豪宅可以入伙，古仔表示：「我諗買咗呢間三千萬大屋，可以等阿爸住得舒服啲，呢個應該係阿爸今年最好嘅生日禮物，平時我送呔或衫畀佢，佢都唔用嘅，所以我都唔知送乜畀佢係最好嘅，不過我諗今晚有咁多人同佢慶祝，佢一定會好開心。」
古仔和父母昨晚約七時到達酒店，古仔父親見到現場守候的記者顯得很慌張，拔足狂奔迴避，可是卻被重重包圍，古仔擔心爸爸跌倒，上前護駕之餘不忙提醒記者：「大家小心啲，佢好低調。唔好閃親我阿爸，佢啱啱病好，咪嚇親佢。」
問到古仔為何替父親擺大壽，他說：「我聽人講擺大壽會延年益壽，我希望阿爸身體健康。今晚（即昨晚）我請咗宣萱同鄧一君嚟，我哋普通食飯，唔會唱歌跳舞咁嚴重，菜式都係由酒店安排。」據知古仔為父親擺了三席，每席約八千元。
採訪：楊潔雯攝影：何國豪