上周大藍籌全面報捷，周一賣地價錢理想，盈富（2800）周三被掃光，雖然就業率依然唔靚，但唔代表上市公司搵唔到錢。香港號公司要行問責制，呢次老闆一次過將舊管理層權力架空，以後董事會全是有sense之人，行事效率將大大提高。到時老闆要搞作，搵唔搵錢唔知，但一定有聲有色。
問責制絕對啱北方人口味，QDII一定水到渠成，香港銀行做港元人民幣兌換，民企加速來港上市。北水南下，十之其九流向國企，國企中，石化股最硬淨，有息派，PE合理，比起A股有折讓。好像中石油（857）、中石化（386）、上海石化（338），儀征化纖（1033）等在國際上很有地位。
中石化單頭輪中，9062長期有4-5%折讓，只因股息勁，揸輪無息收，平得有道理。9070同9167是中石油輪，也有折讓。儀征及上海石化無單頭輪，投資者可考慮9242一籃子化工輪，成分包括中石化、上海石化同儀征，雖是籃子輪，莊家開價窄，貼市有波幅，溢價約5%，有得博。 鍾斯