VCD始終都有市場價值，部分港片的確出得快DVD少少，但就要挑戰閣下對畫質及聲音的忍耐極限了。今日《男人四十》《新紮師妹》VCD（約$40一隻）應該已出街，相信DVD都會呢兩個星期到貨，講咗好耐嘅《我的野蠻女友》，VCD喺月尾出，唔使再買手震老翻了，不過筆者覺得都係等埋DVD，《男人四十》同《我的野蠻女友》都值得支持，加上《野蠻》DVD又有MTV又有Bonus，分分鐘3區會有埋被剪的片段。睇《男人四十》唔好同《女人四十》來作比較，因為兩者完全唔關事，個名令個個都以為係男版女人四十，唉！
至於本周最好賣的是《嚦咕嚦咕新年財》，香港人始終最受落笑片，《邊緣特訓》挾奧斯卡最佳男主角之名，依然有捧場客。
文：畢仁
第一位 嚦咕嚦咕新年財 3區 $65
第二位 大盜宿一宵 3區 $160
第三位 邊緣特訓 3區 $88