各位老闆有冇發現月曆上，4月24日已經被畫上記號？好可能係你哋細心的秘書們為你哋加上，怕你哋忘記了這重要的一日，無錯！當日就係一年一度（年尾花紅除外）回饋辛勞秘書的重要日子。想你嘅秘書開開心心繼續為你效力？老闆們就記得請佢食番餐飯，食飯之餘餐廳重會代你送埋禮。就算唔方便親自陪佢食飯，可以送張現金代用券，讓她們自行使用免尷尬，秘書小姐們又可以又食又拎過個開心秘書節，一舉兩得。不過記得當日準時放人喎！
記者：莫麗嫦
攝影：陳穎
Model：AliceLi(StarPromotion)
夏天食慾大減，對飽受工作壓力兼身穿厚厚套裝的秘書小姐而言，美食當前都難嚥下。細心的大廚專為各辛勤的秘書設計了口味清新的午餐，讓秘書們午間將工作稍稍卸下，歎番個開胃午餐。
吞拿魚竟然泛出奪目的鮮紅色？原來大廚用了墨西哥香料Achiote將吞拿魚扒醃過夜，不但將魚身顏色染紅，還加強其味道及質感，在香港僅有幾所餐廳的廚師用此醃料。旁邊伴以當造芒果製成的芒果醬，增添了芒果的香甜。
試味報告：醃後的吞拿魚充滿醃料強烈的香氣，與咖喱香類似，兼且肉質較實而不乾身，與芒果味道極配。
華多夫本為美國某聞名酒店的招牌沙律，曾周遊列國的大廚靈機一觸，想出以此沙律的材料做湯，當中有青蘋果、西芹、洋葱、番茄、雞湯底及合桃碎等，沙律材料熬湯，極富創意。
試味報告：入口味道清新獨特，有沙律的清甜，又有湯的香濃，非常好味！
天氣悶熱，身穿密實套裝絲襪的秘書們更加叫苦連天，胃口全無。大廚為套餐設計了一清新頭盤，用鮮蟹肉加茴香及各式調味，配以港人最愛的煙三文魚，淋上檸檬汁，做出賣相特別又開胃的菜式。
試味報告：雖然蟹肉沙律被三文魚重重圍困，但絕對要將三文魚與沙律一同放入口，才嘗到結合出來的清新味道。
店名：StormyWeatherBar&Grill
電話：28455533
地址：中環蘭桂坊德己立街46-50號1樓及地下
座位：樓上約45個，樓下約20個
營業時間：星期一至四及日，上午11時半至午夜12時；星期五及六，上午11時半至凌晨2時。
付款方法：現金或信用卡（Visa,Master,Diners,AE）
備註：秘書節午餐$150位，包頭盤、主菜及甜品。由即日起至4月23日，老闆們可以$300購買價值$400的現金代用券送贈秘書，此券只適用於4月24日，隨券送精美銀相架一個（送完即止）。
秘書們能享受到老闆慰勞的一頓午餐，還未來得及開心之際，重可以收到一連串禮物，食物與禮物一樣豐富。
阿拉斯加蟹腳以厚肉聞名，師傅還會拆肉去殼，讓嗜蟹卻要顧全儀態的秘書小姐都可以大快朵頤。蟹肉之外更加了帶辣的牛油果醬，再用炸香了的墨西哥粟米餅化作玉貝殼，充滿夏日海洋氣息。
試味報告：阿拉斯加蟹肉質鮮甜，配以帶辣味的牛油醬，清新不膩口，夏天至啱食。
嗜羊者對羊架必然情有獨鍾，事關羊架在頸對落的肩膊位置，是羊最少郁動的部分，兼且每隻羊只可做四份羊架菜式，特別矜貴。羊架上的大部分肥肉已給片走，既可減輕羊羶又減少肥膩。
試味報告：羊架上加了芥末麵包糠，令羊架外層香口惹味。
大蝦是從澳洲運到，大如一隻迷你龍蝦，肉厚兼且有橙紅色的蟹膏；來自南非的鮑魚仔切片後，用牛油及蒜茸炒香，放入用牛油、忌廉及白酒煮成的意大利飯中，是海鮮愛好者的心水選擇。
試味報告：意大利飯要煮至半熟，令飯粒外熟中生有咬感，先至最正宗；入口有濃濃的忌廉牛油味，香濃而不膩。
店名：Madison'sRestaurant&Bar
地址：金鐘太古廣場第2期3樓349號舖
電話：25234772
座位：104個
營業時間：中午12時至午夜12時
付款方法：現金或信用卡（Visa,Master,Diners,AE）
備註：$200秘書節午餐，包頭盤、主菜及甜品。老闆可買$500現金劵予秘書作當日午膳用，此券只適用於4月24日秘書節午餐。隨券送護膚品現金券，護齒用品及雜誌一本，兼可參加現場抽獎。