最近福士舉行董事局周年大會前夕，一部被稱為1-litrecar嘅原型車正式面世，而此車更由該廠現任主席Dr.FerdinandPiech駕駛，並由Wolfsburg起步前往Hamburg，創造出0.99L/100km嘅驚人慳油紀錄㖭。
為求達到極低耗油量嘅目標，福士廠方特別為1-litrecar盡量偷輕，當中長3.47米、闊1.25米、高約1米嘅車身係以碳纖維製成，並唔會髹上任何色彩，而Spaceframe嘅車架亦以較輕嘅鎂合金作材料，就連車廂布局亦盡量而簡單實用為主，從而達至減輕車重嘅效果。
呢部1-litrecar嘅動力源自一台0.3公升單汽缸直接噴注柴油引擎，馬力有8.5ps/4000rpm；另外，此車嘅耗油量僅為0.99L/100km，但可行走嘅路程卻高達650公里。廠方又謂此車嘅安全程度，更可媲美落場用嘅GT賽車；雖然我哋未有機會嘗試，但可以肯定嘅係，若日後推出嘅汽車，全都以低耗油量為設計標準的話，相信不少車迷都會受惠㗎。