怕濕水冇沖涼一星期
徐濠縈為Eason洗下體傷口

陳奕迅（Eason）前日離開台北國泰醫院後，下榻遠企飯店，其女友徐濠縈昨日透露Eason在醫院時，由護士幫忙清洗下體傷口，出院後就由她負責。因怕傷口濕水，Eason更已一星期沒有洗澡。　記者胡苑君、陳慧安台北直擊

陳奕迅（Eason）上周一（十五日）在台灣表演時意外撞傷下體，前日他已出院並入住台北遠企飯店。Eason的女友徐濠縈昨日接受訪問，問到Eason何時返港，徐濠縈說：「未知呀，我自己搞緊本書，𠵱家未走得，都唔知點算。」
徐濠縈又解釋她不能先行回港，全因她要負責為男友洗下體的傷口，她說：「佢唔沖得涼住，已經成個星期冇沖涼。日日抹身囉，傷口又唔可以濕水，要洗傷口，呢啲唔可以叫助手做，我今日（指昨日）第一次嘗試幫佢洗。」

未搭得飛機
徐濠縈表示Eason留院時由護士幫他洗傷口時，她已在場觀看，所以她相信可以應付得來。
前日Eason出院時似乎一度撞痛傷口，但早前其助手曾謂Eason情況相當好，可以行路甚至跳起，對此徐濠縈說：「一定唔跳得，醫生叫佢行多啲路，會幫助傷口好得快啲。佢噚日（指前日）本來想自己行，但怕混亂會俾人撞親先坐輪椅。行動都係唔方便，佢重未搭得飛機，怕氣壓大會整痛傷口。」
此外，台灣昨日有報道指Eason今次受傷，醫生除為他清除瘀血外，還切除約三分一至四分一右側睪丸，但至少保留一半。而其陰囊傷口的縫線是可吸收的，毋須返醫院拆線。

會影響心理
報道又指專業醫生表示保留一顆睪丸，製造精子能力及性能力都不受影響，但病人有機會因心理因素而影響性能力。而Eason最快會於下周五（二十六日）在台北出席新碟宣傳活動。