海關關長好難做? - 李八方

  海關關長好難做? - 李八方

海關關長黃鴻超噚日同傳媒飯局,席間話題當然唔少得高官問責制,尤其係海關情況較特別,因工作包括執法同稅收等各方面,保安局、經濟局、庫務局同工商局都係佢嘅政策局,問責局長上場後,要為自己嘅政策負責,到時若各局長都要求海關優先做好自己嗰瓣,咁海關咪順得哥情失嫂意?
本身係政務官出身嘅Raymond就話問題唔大,因為𠵱家海關內都有不同嘅局負責不同嘅工作,而且到時政務司司長會做好協調工作。今年七月一日海關又會重組,不過同問責局長制無關,只係成立情報及合作局,有二百幾人專責情報工作,由以往側重風險管理的抽查,改為根據情報主動出擊。


E-mail:[email protected]